![](http://unipress.ateneo.edu/sites/default/files/styles/new_book/public/Pansit%20Luglog%2C%20Halo-halo_Front%20Cover.png?itok=kQI-Ny1h)
Ang Pansit Luglog, Halo-halo, Atbp. sa Kuwentuhang Malabon ay katipunan ng mga sanaysay na naglalahad ng mga alaala at danas ng labinsiyam na may-akda kaugnay ng kanilang kabataan sa noon ay Malabon, Rizal (naging Malabon, Metro Manila noong 1975; naging Malabon City noong 2001). Isang natatangi at makulay na tala ng isang bahagi ng buhay, kultura, at kasaysayan ng Malabon. Isang batis para pagnilayan ng mga mambabasa, at alay sa mga minamahal na taga-Malabon ng nakalipas, kasalukuyan, at hinaharap.
“Maliit lamang ang Malabon. Pero sino ang hindi nakakakilala sa lugar na ito, na sikat sa mga pagkaing dinarayo ng marami, tulad ng pansit Malabon, sapin-sapin, tinapang bangus, patis, at iba pa? Mayroon ding ilang sikat na taga-Malabon, tulad ng makatang si Ildefonso Santos. Sino ang hindi nakakaalam kung nasaan ang EDSA? Pero alam ba ninyo na tubong Malabon ang bayaning nagbigay ng ngalan sa mahabang lansangang ito? Si Epifanio de los Santos. EDSA—Epifanio de los Santos Avenue.”
—Aurora E. Batnag
Mula sa “Varayti ng Wika sa Lupaing Walang Lupa”
tagasalin, editor, taga-Malabon
**********************************************************************************************************
“Iba’t iba ang sanhi’t dahilan kung bakit isinilang ang librong Pansit Luglog, Halo-halo, Atbp. sa Kuwentuhang Malabon. Pero mas higit sa lahat ang malaki’t matibay na batayan: ang pagmamahal ko sa aking sinilangang bayan—ang Malabon. Ang librong ito ay aking liham ng pag-ibig, ang love letter ko sa aking bayang Malabon.”
—Fanny A. Garcia
editor, awtor, taga-Malabon
Published in 2024.